Presidenti i Shqipërisë, Bajram Begaj ka reaguar pas ndarjes nga jeta këtë të premte, të Mjeshtrit të Madh të humorit, Zef Deda.
Begaj tha se lajmi për ndarjen e tij nga jeta prek çdo shqiptar që ka shijuar humorin dhe artin e mjeshtrit të pazëvendësueshëm shkodran.
“Sot u shua ikona e humorit, Mjeshtri i Madh, Zef Deda! Lajmi për ndarjen e tij nga jeta prek çdo shqiptar që ka shijuar humorin dhe artin e mjeshtrit të pazëvendësueshëm shkodran. Lamtumirë njeriut që solli gëzim në shtëpitë e shqiptarëve edhe në momentet e vështira!”, ka shkruar presidenti shqiptar në telegramin ngushëllues./Arbresh.info/